index introductio imagines partitura exemplar translatio

bibliographia e-mail

CTH 105

Exemplar --

§ 1

1 -- [UMMA tabarna mTutḫaliy]a LUGAL.GAL [LUGAL KUR URUḪ]atti UR[.SAG N]ARĀM dUTU URUArinna [DUMU mḪattušili LUGAL.GAL LUGAL KUR URUḪatti UR.SAG] [DUMU.DUMU-ŠU ŠA mM]uršil[i LUGAL.G]AL LUGAL KUR URUḪatti UR.SAG [DUMU.DUMU.DUMU-ŠU ŠA mŠuppiluliuma LUGAL.GAL LUGAL KUR URUḪatti UR.SAG] ŠÀ.BAL.BAL ŠA mT]utḫaliya L[UGAL.GAL] [LUGAL KUR URUḪ]atti UR.SAG

§ 2

2 -- [tuk m.DŠauš]kamuwan DUTU-Š[I ŠU-ta AṢBAT]

3 -- [nu=ddu=za] LÚḪATANU iyanun2

4 -- nu=tta išḫiulaš kuit [tuppi _ (_)] [iyanun]3

5 -- nu=kan tuppiyaš m[emiyaš] [lē waḫn]uši4

6 -- [karū] KUR URUAmurra U[L] IŠTU GIŠTUKUL ŠA KUR URUḪatti tar(aḫ)ḫ[a]n ēšta

7 -- [ … ku-w]a-pí IT-TI A-BI6 A-BI DUTU-ŠI [mŠuppi]lulium[a] INA KUR URUḪatti uit

8 -- nu KUR.KURḪI.A URUAmurra9 nūwa [kūru]r ēšta

9 -- ÌRMEŠ ŠA LUGAL Ḫurri=at [ ... ]

10 -- nu=šši m[A]ziraš QĀTAMMA [p]aḫḫaštat

11 -- IŠTU GIŠTUKUL=ma=an=za=an [UL tar]aḫta

12 -- nu [mA]ziraš ABA ABĪ-KA [mŠuppi]luliuman AŠŠUM EN-UTTA PAP-ašta

13 -- [KUR URUḪa]tti=ya paḫḫašta

14 -- katta=ya mMuršilin AŠŠUM EN-UT-TA paḫḫašta

15 -- KUR URUḪatti=ya paḫḫašta

16 -- nu ITTI KUR URUḪatti UL kuitki waštaš

§ 3

17 -- GIM-an=ma mNIR.GÁL-iš ŠEŠ ABI DUTU-ŠI LUGAL-izziyat

18 -- nu=šši LÚMEŠ KUR URUAmurra14 IGI-anda15 wašter

19 -- nu=šši apāt wātarnaḫḫer

20 -- āššiyannaš=wa=nnaš ÌRMEŠ ešuwen

21 -- kinun=ma=wa=tu=za UL16 ÌRMEŠ

22 -- n=at=kan ANA LUGAL KUR URUMiṣ(ṣa)rī EGIR-panda tīer

23 -- nu ŠEŠ ABI DUTU-ŠI mNIR.GÁL-iš LUGAL KUR URUMiṣ(ṣa)rī=ya ANA LÚMEŠ KUR Amurra17 šer zaḫḫer

24 -- n=an=za=an mNIR.GÁL-iš tar(a)ḫta

25 -- KUR URUAmurri=ya IŠTU GIŠTUKUL arḫa ḫarganut

26 -- n=at=za ÌR-naḫta18

27 -- nu INA KUR URUAmurri mŠapilin LUGAL-un DÙ-at

§ 4

28 -- GIM-an=ma=za mNIR.GÁL-iš ŠEŠ ABI DUTU-ŠI DINGIR-LIM-iš kišat

29 -- nu ABI DUTU-ŠI mḪattušiliš LUGAL-izziyat

30 -- nu mŠapilin arḫa tittanut

31 -- mBentešinan ABŪ-KA INA KUR Amurri LUGAL-un DÙ-at20

32 -- nu ABI DUTU-ŠI PAP-aš-ta

33 -- KUR URUKÙ.BABBAR-ti=ya paḫḫašta

34 -- nu ITTI KUR URUKÙ.BABBAR-ti UL kuitki waštaš

§ 5

35 -- [nu=tt]a DUTU-ŠI LUGAL.GAL tuk DIŠTAR-A.A-an ŠU-ta AṢBAT21

36 -- [n]u=ddu=za LÚḪATANU iy[anun]22

37 -- nu=tta NIN-YA DAM-an[ni] peḫḫun

38 -- nu=tta INA KUR URUAmurri LUGAL-un DÙ-nu-un

39 -- nu AŠŠUM EN-UTTI DUTU-ŠI PAP-ši

40 -- katta=ya DUMUMEŠ DUMU.DUMUME[Š] NUMUN ŠA DUTU-ŠI AŠŠUM EN-UTTI PAP-ši

41 -- tamai=za EN-UT-TA lē ilali[yaš]i

42 -- kāš=ta memiyaš ŠAPAL NĪŠ DINGIR-LIM kittaru23

§ 6

43 -- tuk=ma=za m.DIŠTAR-A.A-an LÚḪATANU kuit DÙ-nun

44 -- nu DUTU-ŠI AŠŠ[UM E]N-UTTI paḫši

45 -- katta=ya DUMUMEŠ DUMU.DUMUMEŠ NUMUN ŠA DUTU-ŠI AŠŠUM EN-UTTI paḫši

46 -- ŠEŠḪI.A DUTU-ŠI=ma kuiēš [š]akuwašarruš

47 -- DUMUMEŠ MUNUS.MEŠESERTI=ya kuieš ŠA ABI DUTU-ŠI

48 -- namma=ya kuit tamai NUMUN LUGAL-UT[TI]

49 -- LÚ.MEŠpaḫḫuršišš=a kuiēš

50 -- nu=za apiya AŠŠUM EN[-U]TTI lē kuinki ilaliyaši

51 -- Š[A] mMašturi iwar le iyaši

52 -- [mM]ašturiš kuiš LUGAL KUR ÍDŠēḫa ēšta

53 -- n=an mNIR.GÁL-iš dāš

54 -- n=an=za=an LÚḪATANU DÙ-at

55 -- nu=šši fDINGIRMEŠ-IR NIN-ŠU DAM-anni pešta

56 -- n=an INA KUR ÍDŠeḫa LUGAL-un iyat

§ 7

57 -- GIM-an=ma=za mNIR.GÁL-iš DINGIR-LIM-iš kišat

58 -- nu mUrḫi-DU-up(p)aš DUMU mNIR.GÁL LUGAL-iz[z]iyat

59 -- [ _ _ _ ] … ANA mUrḫi-DU-up LUGAL-iznatar arḫa ME-a[š]

60 -- [mMašt]uriš=ma=kan kupiyatin kupta

61 -- n=an datta kuiš mNIR.GÁL-iš

62 -- LÚḪATANU=y[a=a]n kuiš DÙ-at

63 -- nu namma apel DUMU-ŠU Úrḫi-DU-upan UL paḫḫašta

64 -- nu=kan :kupiyatin :kupta

65 -- n=aš ANA ABĪ-YA EGIR-an tiyat

66 -- LÚpaḫḫuršin=pat paḫḫašḫi

67 -- LÚpa(ḫ)ḫuršiyaš=ma=wa DUMU-ŠÚ? kuit DÙ-mi

68 -- nu zikk=a ku(w)atka ŠA mMašturi iwar iyaši

69 -- nu ANA DUTU-ŠI kuiški našma ANA DUMUMEŠ DUMU.DUMUMEŠ NUMUN ŠA DUTU-ŠI uwai *kuiški* udai

70 -- zik=ma mān m. DIŠTAR-A.A-aš QADU DAMMEŠ-KA DUMUMEŠ-KA ÉRINMEŠ-KA ANŠE.KUR.RAMEŠ-KA šakuwašarrit ZI-it UL wariššatte

71 -- nu=šši QADU DAM[MEŠ-KA D]U[MUMEŠ-K]A šer UL akti

72 -- n=e=tta ŠAPAL NĪ[Š DINGIR]-LIM GAR-ru

§ 8

73 -- DUTU-ŠI AŠŠUM EN-UTTI paḫši

74 -- katta[=ya] NUMUN ŠA [DUTU-Š]I AŠŠUM EN-UTTI paḫši

75 -- tamai[=za kuinki] AŠŠUM EN-UTTI lē ilali[yaši]

76 -- mānn=a=kan INA KUR UR[U ... ] šarā išparza(z)zi

77 -- nu=kan parā lē [autti]

78 -- KUR-KA wari[š- ... ]

79 -- nu ANA DUTU-Š[I ... ]

80 -- ANA DUTU-ŠI … [ ... ]

81 -- nu mā[n ... ]

82 -- ma[- ... ]

§ 9

83 -- nu … [ ... ] kišt[a- _ (_)]

84 -- [ ... ] ŠAPAL NĪŠ DINGIR-L[IM kittaru]

§ 10

85 -- ANA LÚMEŠ URUḪatti=ya [(...)] anda weriyattat

86 -- nu=tta=kkan man LÚ URUḪatt[i(- _ _)] anda tamekzi

87 -- naššu ŠEŠ LU[GAL]

88 -- našma DUMU.LUGAL

89 -- našma BĒLU

90 -- našma EGIR-izz[iš] ḫantezziš UN-aš31

91 -- nu=tta=kkan ŠA DUTU-ŠI kuitki :kukkurniyauwar EGIR-pa anda udai

92 -- našma=ta=kkan DUTU-ŠI kuitki ḪUL-anni katta maniyaḫzi

93 -- nu=kan INIM-an ANA DUTU-ŠI lē ša[nn]atti

94 -- ANA DUTU-ŠI=an memi

95 -- n[u kāš] memiyaš ŠAPAL NĪŠ DINGIR GAR-ru

§ 11

96 -- [ _ _ _ _ _ AŠŠUM E]N-UTTI paḫši

97 -- [ _ _ _ _ _ _ LUGAL-iz](za)natar [ _ _ _ _ _ _ _ ]

98 -- [z]ik=za LUGAL URUKÙ.BABBAR-ti ēš

99 -- [ … ] [ … M]EŠ-KA [ … wa]ri[šš]a

100 -- [ … ] āk

101 -- [ … ] …

102 -- [ … -]a LÚKÚR DUTU-ŠI [ … ]

103 -- [ … ŠAPAL NĪŠ DINGIR-LIM GA]R-⌈ru⌉

§ 12'

104 -- [ … -]at lē tarna[- ... ]

105 -- [ … KUR URUMiṣ(ṣa)]rī [ … l]ē kuinki katta[n arḫa w]atarnaḫti35

106 -- mān L[UGAL KUR URUMiṣ]ṣarī ANA DUTU-ŠI tak[šul]

107 -- tukk=aš takšul ēšdu

108 -- mān[=ma=aš] ANA DUTU-ŠI kūrur

109 -- tu[kk=aš kūr]u[r] ēšdu

§ 13'

110 -- LUGALMEŠ=ya=mu kuieš LÚMEḪR[ŪT]I [ _ _ _ ]

111 -- LUGAL URUMiṣrī LUGAL KUR Karanduniyaš LUGAL KUR Aššur >LUGAL KUR Aḫḫiyawa=ya<38

112 -- mān LUGAL KUR Miṣrī ANA DUTU-ŠI takšul

113 -- tukk=aš takšul ēšdu

114 -- man=ma=aš ANA DUTU-ŠI kurur

115 -- tukk=aš kurur ēšdu

116 -- mānn=a LUGAL KUR Karanduniyaš ANA DUTU-ŠI takšul

117 -- tukk=aš takšul ēšdu

118 -- mān=ma=aš ANA DUTU-ŠI kurur

119 -- tukk=aš kurur ēšdu

120 -- LUGAL KUR Aššur ANA DUTU-ŠI maḫḫan kurur

121 -- tukk=aš QĀTAMMA kurur ēšdu

122 -- tuel=kan LÚDAM.GÀR ŠÀ KUR Aššur le paizzi

123 -- apel=ma=kan LÚDAM.GÀR ŠÀ KUR-KA lē tarnatti

124 -- KUR-KA=aš=kan ištarna arḫa lē paizzi

125 -- mān=ma=aš=ta=kkan ŠÀ KUR-KA=ma uizzi

126 -- n=an anda ēp

127 -- n=an ANA DUTU-ŠI arḫa uppi

128 -- kāš=ta INIM-aš GAM N[ĪŠ DINGIR-LIM kittaru]

§ 14'

129 -- DUTU-ŠI =ya kuit LUGAL KUR Aššur kururanni daḫḫun

130 -- nu=za DUTU-ŠI GIM-an KARAŠ ANŠE.KUR.RA iyaši :teššaeški[š]i

131 -- ANA DUTU-ŠI GIM-an :ḫūtaš :upaḫilešš=a

132 -- tukk=aš QĀTAM[MA (...)] :ḫūtaš42 :upaḫilešš=a43 ēšdu

133 -- nu=za KARAŠ ANŠE.KUR.RA šakuwaššarit Z[I?-it (...)] teššaeški

134 -- kāš=ta INIM-aš GAM NĪŠ DINGIR-LIM GAR-ru

§ 15'

135 -- [ … -ḫ]iyawaš=ši44 GIŠMÁ pāwanzi l[e- … ] …

136 -- parā=ma=aš=kan kuwapí nā[i?]

137 -- [ … ] … … -ma? DINGIR-LUM ŠA KUR-TI-K[A _ _ ]

138 -- [ … ] … É DI[NG]IR-LIM p[eran?] [ ... ]

139 -- [ ... ] ... [ ... ]

§ 16''

140 -- nu=kan [ … ]

141 -- GÙB-li [ … ]

142 -- lē [ … ]

143 -- KUR URUKÙ[.BABBAR-ti … ]

144 -- daš- … [ … ]

145 -- ka[š=ta … ]

§ 17''

146 -- LUGALMEŠ [ … ]

147 -- nu=za iš[- … ] lē [ila]liyaši

148 -- ÌRMEŠ=… [ … ]

149 -- ku- … [ … ] ANA KUR URUKÙ.BABBAR-ti k[u- … ] [ … -š]ai

150 -- nu damēda AN[A … ]

151 -- [ … E]GIR-pa anda uizzi

152 -- [l]ē=wa=nnaš ŠA KUR U[RU … ]

153 -- [ … -m]a=an lē šannatti

154 -- [ … D]AM-ŠU=an DUMU-ŠU anda ēp

155 -- [ … =]kan ANA DUTU-ŠI [ … ]

156 -- [k]āš=ta memiyaš GAM NĪŠ DINGIR-LIM [GAR-ru]

157 -- [ … ] … šaḫešnaeškiši ḫalkiyaz[a k]uiē[š]

§ 18'''

158 -- n=an=za=aš šaḫešneški

159 -- PAP-nuški

160 -- ANA LÚKÚR menaḫḫanda URUGIDRU-ši [ … ]

161 -- [ … l]ē PAP-nuškiši

162 -- kaš=ta INIM-aš GAM NĪŠ DINGIR-LIM GAR-ri

§ 19'''

163 -- [ … -]pa … [ … ]

164 -- [ … ] … -ra

165 -- [ … IN]IM? DUTU-ŠI … [ ... ] [ … ]

§ 20'''

166 -- [ … -]ti paḫši

167 -- [ … IT]TI DUTU-ŠI nu[(...)] [ … ]

§ 21'''

168 -- [DUTU ŠAMÊ DUTU URUArinna DU ŠAMÊ DU URUḪatti GUDḪurri GUDŠeri ḪUR.SAGNanni ḪUR.SAGḪazzi]49 DU KI.LAM [DU KARAŠ DU URUḪalap DU URUZippalanda DU URUNerik DU URULiḫzina (DU DU6) DU URUḪi]ššaššapa [DU URUŠaḫpina DU URUTaḫaya (DU URU ON) DU URUPitteyarik DU URUŠamuḫa DU URUḪurma DU URUŠarišša dU TILL]ATI50 [DU URUUda DU URUKizzuwatna DU URUIšḫupitta DU URUNuḫašše]

169 -- [DLAMMA DLAMMA KUR URUḪa]tti [DZitḫariyaš DKarziš DḪapantaliyaš DLAMMA URUKaraḫna DLAMMA LÍL-ri DLAMMA kuškuršaš]

170 -- DA.A DALLATUM [DTelipinuš URUTurmitta DTelipinuš URUTawiniya DTelipinuš URUḪanḫana DBU.NE.N]E51 DAškašepaš

171 -- [D30 LUGAL MĀMĪTI DIšḫaraš MUNUS.LUGAL MĀMĪTI DḪepat MUNUS.LUGAL AN DIŠTAR DIŠTAR LÍL DIŠTAR URUNinuwa DIŠTAR URUḪa]ttarina [DNinattaš DKulittaš]

172 -- [DZA.BA4.BA4 DZA.BA4.BA4 URUḪatti DZA.BA4.BA4 URUEllaya] DZA.BA4.BA4 URUArziya [DIarriš DZappanaš]

173 -- [DḪantitaššuš URUḪurma DAparaš URUŠamuḫa] DḪataggaš URUAnkuwa [DMUNUS.LUGAL URUKatapa DAmmammaš URUTaḫurpa DḪallaraš URUDunna DḪuwaš]šannaš URUḪupišna [DTapišuwa URUIšḫupitta DBelki52 U]RULanda53 [DKuniyawaniš URULanda DNIN.ŠEN.ŠEN(.NA) URUKinza]

174 -- [ḪUR.SAGLablana ḪUR.SAGŠariššiya ḪUR.SAG]Piš[aiša]

175 -- DINGIRMEŠ lulaḫḫi[š] [DINGIRMEŠ ḫapiriyaš DEREŠ.KI.GAL]

176 -- [DINGIRMEŠ LÚMEŠ DINGIRMEŠ MUNUSMEŠ ḫūmanteš ŠA KUR URUḪa]tti

177 -- DIN[GIRMEŠ LÚMEŠ] DINGIRMEŠ MUNUSMEŠ ḫūmante[š ŠA KUR URUAmurri]

178 -- [DINGIRMEŠ karuileš ḫūmanduš DNaraš DNapšaraš DMunkiš DTuḫuši]š DAm[munk]iš [DAmmizzaduš DAlaluš DAnu DAntum DApanduš] DEN.LÍL DNIN.LÍL

179 -- [ḪUR.SAGMEŠ ÍDMEŠ PÚMEŠ A.AB.BA GAL AN Ù KI IMMEŠ alpaš]

180 -- [nu (DINGIRMEŠ) ḫūmant]eš kēdaš memiyanaš [kēdani lingai kutrueš ašandu]

181 -- [nu=kan mān ke]l tuppiyaš INIMMEŠ waḫnuš[i]

182 -- [nu=tta=kkan kuš NĪŠ DINGIRMEŠ QADU NUMUN-KA arḫa ḫarninkandu]

§ 22''''

183 -- [ … n]aš … [ … ]

184 -- [ … ki/aped]ani AN[A … ]

185 -- [ … pē]ḫute

186 -- n[a-

188 -- [ … ] … -anza

189 -- nu [ … ]

190 -- [ … ] … -iskan [ … ]

191 -- [ … -]a per[an … ]

192 -- [ … ]